paru-paro (13.11.02)

     

sa palayan,

mga paru-parong

kulay putik

papaanong natandaan

ang paglipad

sailing (13.11.30)

                  sailing
       riding the crests of ancestral script
a killer whale sings a familiar salmon song


      seed
tangles on bamboo, Free
   traditions remembered
      a new story born

dalampasigan (13.12.01)

himig ng batis, sinundan sa baybay
lulusubin, hanggang ako'y nakasakay
nakitang nakadaong, mumunting balangay

paghanga sa lalim, sa galaw, na nitong taglay
paligid ilang, ang tuyo, nabigyan kulay
nagising, nabuo, namulat ng malay

pagdaloy, inawit ng tubig, nagbigay buhay
nabigyan lakas, nabigyan sigla, dating matamlay
agusan lumakas, sa pagbaling, pandiwang kumpay

Hindi nagmasid sa takot na matangay
Hindi umimik sa takot na matangay
Hindi kumibo sa takot na matangay

Tutungo't uupo muli sa dampang naghihintay
Panandalian o magpakailanman man mawalay
Sa pagsasayaw ng pinagisa- ilog- tanaw na nailay
Awit, aliw, alwan- tanglad, panghilom, sa lumbay

flor:ante (13.12.06)

tukayong naghandog;
mula sa kanya- bago
Bulaklak- bungang lulog
kayamanang alipato:

dalisay na pagdating
panandalian, nawalay
ng maibalik ang ningning
huling paalam, dalisay

kalinga ng bagwis
kalayuan, di naunawaan
pangamo sa hapis
walang hanggan, amihan

mga inalagaang palaban
siya din pala naging anito
bahaghari sa likuran
daloy: ngiti- mga alaala, natanto

taglay na yaman sa galak
kaya siya’y pinauna
mapalapad ang bitak
hanggang naiwan, makasama:

sa paglipad ng maya
sa tinig man mawawalay
sa pagbalik, umaga
tamis ng himig na hintay

ang batis, sa pagtuyo
basang lupa, palatandaan
pagmamahal at pagsuyo
alaala ng nakaraan

panatiliin sa isip
sa puso kailanman
ang tawa, ang awit
ukit sa araw at buwan

kabuuan (2013.10.xx)

Maykapal, patawarin kaming nakalimot sa ngalan
Muling dinggin aming tinig at panalangin
Sa pag-alala't pagtawag sa mga diwata, kami'y tulungan

Sa mga tala, namumugad sa kalawakan
Sa aming pakikiisa sa kapaligiran, gabayan
Na kami na kabilang ng marami, matandaan

Ang Ilaw, matagal nang natutulog sa kanluran
Muling bumangon at sumikat sa silangan
Nang kami'y muling mamulat sa kasarinlan

Liyab ng apoy, ngayo'y baga, napabayaan
Aming alay, pagkabuhay sa paghingang laman
Sa muling pagkagising, taglay na lakas, biyayaan

Tubig, ina ng dagat at ilog, tinatawagan
Sa pagbuhos ng ulan, dahan-dahan
Dalhin ang paghilom, sa kapwa, sa kalikasan

Kawayan, sinapupunan ng sining at kasaysayan
Kinakatawang balangay, kalinga sa daan
Kinakatawang barangay, sa pagbuo'y tibayan

Amihan, sa pagpapatulog sa habagat, tulungan
Bilang ibon, palayain sa ngayong kinakatawan
Puso at isip gawing pandiwang tanggapan

Bundok, pinag-isang apoy at lupa, kabilang
Sa muling pagtibok, ang abo, punlaan
Aming pagkatao'y muling maisilang

Binhi, taglay ay pagkakakilanlan
Aming tinitipon at pinangangalagaan
Nang ang bunga'y mai-ani ng kinabukasan




p/c Pi S-P

CfBS: On the Abbreviated and Punctuated Balikbayan Journey of a Bamboo Scion (13.12.07)

edge, west-north Turtle Island 
ears opened to songs of Killer Whale
heart's pulse in sync with flap of Raven       
eyes opened to dance of Salmon

so i traced, tracked- back
towards song of Buwaya
towards flap of Pawikan
towards dance of Maya

edge, west-south shell
mga anito, stars guiding
mga Maykapal, smiling
rejoicing, once mourning

Sky, Kaptan
Sea, Maguayan
slivers carried, silvers shining
shattered, Lisuga, made one

bayanihan rising (14.01.12)

Habagat, kapatid ni Amihan
kinikilalang Saragangka Bagyo
kapatid, kinikilalang Mahuyokhuyokan
nila Maguayan at Kaptan- inapo

inaalala’t pinapasalamatan
unti-unting nauunawaan
ang hinanakit at daing
pagdala ng buhos ng Ulan

panghugas dungis, Ulan

pagbuhos, kalunudan
paalala, panawagan
ukol sa ating nakalimutan:

hagpis, bahagi ng tadhana
tanglad- galang sa paligid at kapwa

bayanihan, sa kapatid makiisa-
sa huli, kay Bathala ipaubaya

Bahala na